Միջազգային
Միացյալ Նահանգները Հունաստանից թույլտվություն է խնդրել՝ Կրետեում F-35 և F-15 ինքնաթիռներ տեղակայելու համար
ԱՄՆ-ն պաշտոնական հարցում է ուղարկել Հունաստանի կառավարությանը՝ Կրետե կղզում F-35 և F-15 ինքնաթիռներ տեղակայելու համար։ Այս մասին հայտնել է Ulusal Kanal հեռուստաալիքը։ Աթենքն ընդունել է այդ խնդրանքը։ Եթե այն հաստատվի, ԱՄՆ ռազմական ավիացիան կտեղակայվի Կրետեի համանուն ծովածոցի ափին գտնվող Սուդա բազայում։ Նշվում է, որ ամերիկյան ինքնաթիռները կկարողանան մասնակցել Միջերկրական ծովում անցկացվող զորավարժություններին։
Միաժամանակ, ԱՄՆ-ն և Հունաստանը քննարկում են ՆԱՏՕ-ի կամ ԱՄՆ-ի զինատեսակների միջոցով Հռոդոս, Լեսբոս և Քիոս կղզիների գոտում պաշտպանական կարողությունների ուժեղացման հարցը։ Աթենքը մտահոգված է Թուրքիայի կողմից պոտենցիալ սպառնալիքով և Էգեյան ծովում աճող լարվածությամբ, որտեղ թուրք-հունական սահմանների հետ կապված հարցերը դեռևս չեն կարգավորվել։ Պաշտպանական կարողությունների ուժեղացման դիմաց հունական կողմը կարող է ուկրաինական բանակին փոխանցել իր հին ՀՕՊ համակարգերի և զրահատեխնիկայի մի մասը։
