Ուկրաինայի նախագահ Վլադիմիր Զելենսկին «Թվիթեր»-ի իր էջով հայտնել է, որ Ուկրաինան պաշտոնապես Ռուսաստանի Դաշնության դեմ հայց է ներկայացրել Հաագայում ՄԱԿ-ի միջազգային դատարան։
«Ուկրաինան պաշտոնապես հայց է ներկայացրել Ռուսաստանի դեմ Հաագայի միջազգային դատարան: Մենք պահանջում ենք, որ Ռուսաստանը պատասխանատվության ենթարկվի՝ ցեղասպանության հայեցակարգը խեղաթյուրելու միջոցով ագրեսիան արդարացնելու համար»,- գրել է նախագահը:
Նա կոչ է արել դատարանին անհապաղ հրամայել ՌԴ-ին դադարեցնել ռազմական գործողությունները և հաջորդ շաբաթ լսումներ նշանակել:
