Դատարանը վճռել է կալանավորել տղամարդուն, որը Գերմանիայի Մագդեբուրգ քաղաքում վրաերթի էր ենթարկել Սուրբ Ծննդյան տոնավաճառի այցելուներին, ասվում է Սաքսոնիա-Անհալթ դաշնային երկրամասի ոստիկանության կայքում հրապարակված մամուլի հաղորդագրության մեջ։
«Մագդեբուրգի դատախազությունը սպանության և բազմակի սպանության փորձի գործով կալանքի հրաման է խնդրել, որը տվել է Մագդեբուրգի շրջանային դատարանը»,- նշված է հրապարակման մեջ։
