Հնդկաստանի կառավարությունը հետաքննություն է սկսել Telegram-ի նկատմամբ․ հաղորդում է տեղական Times of India-ն։ Պարբերականի խոսքով՝ Հնդկաստանի ՆԳ և կապի նախարարությունները հետաքննություն են անցկացնում։
Պլատֆորմը ստուգվում է հանցավոր գործունեության մեջ ներգրավված լինելու համար, ինչպիսիք են շորթումը և մոլախաղերը: Գործընթացը տեղի է ունեցել Telegram-ի ղեկավար Պավել Դուրովին Ֆրանսիայում մի շարք մեղադրանքներով ձերբակալելուց հետո։
Ըստ Moneycontrol ֆինանսական պորտալի տեղեկատվության, որը վկայակոչում է Հնդկաստանի կառավարության պաշտոնյաներին, Telegram-ին Հնդկաստանում արգելք է սպառնում, սակայն «վերջնական որոշումը կախված կլինի հետաքննության արդյունքներից», նշում է Times of India-ն:
