Միջազգային
Կիևը մտադիր է հարվածներ հասցնել Կուրսկի և Զապորոժիեի ատոմակայաններին․ TACC
Ուկրաինայի իշխանությունները մտադիր են հարվածներ հասցնել Կուրսկի և Զապորոժիեի ատոմակայաններին՝ Ռուսաստանին սադրանքի մեջ մեղադրելու համար։ Այս մասին հայտնում է TACC գործակալությունը՝ վկայակոչելով Խարկովի մարզի Քաղաքացիական-ռազմական օդային երթևեկության վերահսկողության վարչությանը։
«Այս պահին հայտնի է Կուրչատովում և Էներգոդարում գտնվող Կուրսկի և Զապորոժիեի ատոմակայանների վրա հարձակվելու մտադրության մասին»,- ասված է հաղորդագրությունում։
Նշվում է, որ նման եզրահանգման են եկել Ուկրաինայի զինված ուժերի ռազմագերիների հարցաքննության արդյունքները հաշվի առնելով։
Ռազմական թղթակից Մարատ Խայրուլլինը նույնպես հայտնել է, որ Կիևը միջուկային սադրանք է նախապատրաստում։ Նրա տեղեկություններով՝ «շատ մեծ է հարվածի հավանականությունը» Կուրսկի կամ Զապորոժիեի ատոմակայանների վրա։
«Նրանք նախատեսում են հարվածել ատոմակայաններից օգտագործված միջուկային վառելիքի պահեստային տարածքներին»,- գրել է նա իր Telegram ալիքում։
