Միջազգային
«Ձեր եռանդուն ղեկավարությամբ ռուս ժողովուրդը կհաղթի». Կիմ Չեն Ինը՝ Պուտինին
Հյուսիսային Կորեայի ղեկավար Կիմ Չեն Ինը վստահ է, որ Ռուսաստանը կհաղթի «խաղաղության և արդարության համար սրբազան պատերազմում»: Այս մասին նա հայտարարել Է օգոստոսի 15-ին՝ Կորեայի ազատագրման տարեդարձի կապակցությամբ Ռուսաստանի նախագահ Վլադիմիր Պուտինին ուղղված ուղերձում։
«ԿԺԴՀ-ի և ՌԴ-ի բանակների և ժողովուրդների միջև բարեկամությունը, որը ձևավորվել և ամրապնդվել է ընդհանուր թշնամու դեմ կատաղի պայքարում, այսօր վերածվել է համապարփակ ռազմավարական գործընկերության, որը նոր, բազմաբևեռ աշխարհի ստեղծման հզոր շարժիչ ուժն է:
Օգտվելով առիթից՝ արտահայտում եմ իմ հաստատակամ համոզմունքը, որ ձեր եռանդուն ղեկավարությամբ հզոր ռուս ժողովուրդը անպայման հաղթանակի կհասնի սրբազան պատերազմում՝ տարածաշրջանային խաղաղության և միջազգային արդարության հասնելու համար»,- ասվում Կիմ Չեն Ինի ուղերձում։
