Միջազգային
«Ագրեսորին պատասխան տալու իրավունքն ապահովագրված է»․ Իրանի նախագահ
Վատիկանի պետքարտուղար կարդինալ Պիետրո Պարոլինն Իրանի նոր նախագահ Մասուդ Փեզեշքիանի հետ հեռախոսազրույցի ընթացքում Թեհրանին «երկխոսության, բանակցությունների և խաղաղության» կոչ է արել:
Վատիկանի հայտարարության համաձայն՝ Պարոլինը հայտնել է Հռոմի պապի «լուրջ մտահոգությունը տեղի ունեցող իրադարձությունների վերաբերյալ՝ վերահաստատելով, որ անհրաժեշտ է ամեն գնով խուսափել հակամարտության ընդլայնումից և փոխարենը նախընտրել երկխոսությունը, բանակցությունները և խաղաղությունը»։
Փեզեշքիանը, ընդգծելով Իրանի սկզբունքային դիրքորոշումները, հայտարարել է, որ Իսրայելի գործողությունները հակասում են մարդկային և իրավական բոլոր սկզբունքներին։
«Միջազգային չափանիշներով՝ ագրեսորին պատասխան տալու իրավունքն ապահովագրված է»,- ԻՌՆԱ գործակալության փոխանցմամբ՝ հայտարարել է Իրանի նախագահը։
