Իսլամական հեղափոխության պահապանների կորպուսը (ԻՀՊԿ) զորավարժություններ է սկսել Իրանի արևմուտքում, հայտնում է Reuters-ը։
Զորավարժություններն ընթանում են Քերմանշահ նահանգում՝ Իրաքի հետ սահմանի մոտ, դրանք կտևեն մինչև երեքշաբթի:
Զորավարժությունների նպատակն է ամրապնդել զորքերի մարտունակությունն ու զգոնությունը։
Զորավարժությունների մասին հայտնի է դարձել Մերձավոր արեւելքում իրադրության կտրուկ սրման ֆոնին Թեհրանում ՀԱՄԱՍ-ի քաղբյուրոյի ղեկավար Իսմայիլ Հանիայի և Բեյրութում «Հըզբոլլահի» առաջնորդ Հասան Նասրալլայի ավագ խորհրդական Ֆուադ Շուքրի սպանությունից հետո: Իրանն ու «Հըզբոլլահը» խոստացել են վրեժ լուծել նրանց թափված արյան համար։
ԻՀՊԿ-ի գեներալ Ալի Մոհամմեդը հայտարարել է, որ Իսրայելը պատասխան կստանա Հանիայի մահվան համար:
