Պաղեստինը պատրաստ է Իսրայելի հետ վերջնական կարգավիճակի շուրջ բանակցությունների՝ խաղաղության կոնֆերանսի շրջանակներում։ Այդ մասին ռուսական լրատվամիջոցներին տված հարցազրույցում հայտարարել է Պաղեստինի նախագահ Մահմուդ Աբասը։
«Պաղեստին պետությունը ձևավորել է քաղաքական տեսլական և պատրաստել ճանապարհային քարտեզ, որը հավանության է արժանացել արաբական վեց պետությունների խմբի կողմից և ներկայացվել է ԱՄՆ-ին, Եվրամիությանը և ՄԱԿ-ի Անվտանգության խորհրդի անդամներին համապարփակ քաղաքական լուծում, որը նախատեսում է Գազայի հատվածում Իսրայելի ներկայության դադարեցում»,- նշել է նա։
