ԱՄՆ Կոնգրեսի ավելի քան 30 անդամ Դեմոկրատական կուսակցությունից արդեն կոչ են արել գործող նախագահ Ջո Բայդենին հրաժարվել վերընտրվելու իր ծրագրերից և դուրս գալ ընտրապայքարից, գրում է The Wall Street Journal-ը։
Հրատարակության հաշվարկների համաձայն՝ ԱՄՆ Կոնգրեսի 32 դեմոկրատ ուղղակիորեն կոչ է արել պետության ղեկավարին դուրս գալ ընտրապայքարից, այդ թվում՝ 28 կոնգրեսական և չորս սենատոր։ Եվս 12 դեմոկրատ օրենսդիր (ութ կոնգրեսական և չորս սենատոր) իրենց մտահոգությունն են հայտնել Բայդենի՝ նոյեմբերին նախագահական ընտրություններում կրկին հաղթելու և այնուհետև երկրորդ ժամկետն ավարտելու ունակության վերաբերյալ:
64 դեմոկրատ օրենսդիր (51 կոնգրեսական և 13 սենատոր) կոչ է արել Բայդենին մնալ նախագահական պայքարում։
