Լեհաստանի իշխանությունները պատժամիջոցներ են սահմանել ուկրաինացի միլիարդատեր Դմիտրի Ֆիրտաշի դեմ։ Այդ մասին են վկայում Լեհաստանի ՆԳՆ կայքում տեղադրված պատժամիջոցների ցանկի տվյալները։
Լեհաստանը հունիսի 25-ին որոշել է սահմանափակող միջոցներ կիրառել օլիգարխի նկատմամբ և նրան մեղադրում է Ռուսաստանի և Բելառուսի հետ կապեր ունենալու մեջ․ ասվում է փաստաթղթում։ Ըստ Վարշավայի՝ գործարարը կարող է լինել էներգետիկ և անշարժ գույքի ոլորտներում լեհական մի քանի ընկերությունների իրական շահառու։
