Միջազգային
Ընտրություններ Ֆրանսիայում. քաղաքական ուժերը պատրաստվում են երկրորդ փուլին
Աջ ծայրահեղական ուժերը Ֆրանսիայում իշխանության հասնելու ճանապարհին են այն բանից հետո, երբ «Ազգային միավորումը» առաջ է անցել խորհրդարանական ընտրությունների առաջին փուլում։ Ձախ դաշինքն ու մակրոնիստները հայտարարել են իրենց թեկնածուների ինքնաբացարկի մասին, որոնք հայտնվել էին անբարենպաստ դիրքերում։ Որոշ ընտրատարածքներում սպասվում է երկրորդ փուլ։ Փարիզում փողոցներ են դուրս եկել ձախ ուժերի կողմնակիցները։
Ֆրանսիայի ՆԳՆ-ն հրապարակել է խորհրդարանական ընտրությունների առաջին փուլի վերջնական արդյունքները։ Ծայրահեղ աջակողմյան «Ազգային միավորում» դաշինքը՝ առաջնորդ Էրիկ Սյոտտիի հետ, ստացել է ձայների 33,1%-ը։ Երկրորդ տեղում «Նոր ժողովրդական ճակատ» ձախ կոալիցիան է՝ 28%, իսկ նախագահ Մակրոնի «Միասին հանուն հանրապետության» կենտրոնամետ դաշինքը հավաքում է ընդամենը 20%։ Առաջին փուլում ընտրվել է 76 պատգամավոր, այդ թվում՝ ծայրահեղ աջ խմբակցության ղեկավար Մարին Լը Պենը և Սոցիալիստական կուսակցության առաջին քարտուղար Օլիվյե Ֆորը։
Կիրակի օրվա քվեարկությունը տեղի է ունեցել բարձր մասնակցությամբ (66,7%), մի քանի հարյուր շրջաններում երկրորդ փուլի իրավունք է ստացել երեքական թեկնածու, ինչը դեռևս չի ապահովում ուժերի վերջնական հավասարակշռությունը նոր գումարման ստորին պալատում։
