Միջազգային
Չինաստանի իշխանությունները քրեական պատիժներ են նախատեսել Թայվանի «անջատողականության» համար
«Թայվանի անկախության» կողմնակիցների քրեական պատիժը անջատում անցկացնելու կամ դրա հրահրման համար օրինական և ողջամիտ գործողություն է: Ինչպես հայտնում է Radar Armenia-ի թղթակիցը, այս մասին մամուլի ասուլիսում հայտարարել է Չինաստանի պետխորհրդի Թայվանի հարցերով գրասենյակի ներկայացուցիչ Չժու Ֆենլյանը:
Միայն օրենքով «Թայվանի անկախության» կողմնակից անջատողականների կատարած հանցագործությունների համար խիստ պատժով կարելի է խաղաղություն և կայունություն ապահովել Թայվանի նեղուցի շրջանում և պաշտպանել Թայվանում բնակվող հայրենակիցների շահերն ու բարեկեցությունը․ հավելել է նա: Մեկնաբանելով ԱՄՆ Պետդեպարտամենտի ներկայացուցչի քննադատությունն այդ կապակցությամբ՝ Չժու Ֆենլյանը հայտարարել է, որ ԱՄՆ-ն իրավունք չունի միջամտել Չինաստանի ներքին գործերին և անհիմն դիտողություններ անել:
Նա ԱՄՆ-ին կոչ է արել կոնկրետ գործողություններ ձեռնարկել «մեկ Չինաստան» սկզբունքի և երեք չին-ամերիկյան համատեղ կոմյունիկեի դրույթների պահպանման ուղղությամբ ու կատարել «Թայվանի անկախությունը» չաջակցելու իր խոստումը: Չժու Ֆենգլյանը նաև վճռականորեն դեմ է արտահայտվել Թայվանին մոտ 360 միլիոն դոլար արժողությամբ զենք վաճառելու՝ ԱՄՆ կառավարության վերջին որոշմանը։ Չժու Ֆենգլյանը դատապարտել է Թայվանի վարչակազմի նոր ղեկավար Լայ Ցինդեի արտահայտություններն այն մասին, որ Թայվանի նեղուցի երկու կողմերը «չեն ենթարկվում միմյանց»:
«Թայվանը Չինաստանի մի մասն է: Այս փաստը չի կարող փոխվել և երբեք չի փոխվի»․ ասել է Ֆենլյանը։ Նա նաև ընդգծել է, որ Լայ Ցինդեի արտահայտությունները չունեն ո՛չ պատմական, ո՛չ իրավական հիմք։
