Միջազգային
ԵՄ-ը նոր պատժամիջոցներ է սահմանել ռուսական հեղուկացված գազի նկատմամբ
Եվրամիությունը (ԵՄ) սահմանափակել է ռուսական հեղուկացված բնական գազի տարանցումն ու վերալիցքավորումը ԵՄ տարածքում։ Եվրամիությունը Ռուսաստանի դեմ պատժամիջոցների 14-րդ փաթեթի շրջանակներում սահմանափակումներ է մտցրել 116 ֆիզիկական և իրավաբանական անձի նկատմամբ:
«Որպեսզի ԵՄ օբյեկտները չօգտագործվեն ռուսական հեղուկացված բնական գազը (LNG) երրորդ երկրներ փոխադրելու համար, և դրանով իսկ նվազեցնելու զգալի եկամուտները, որոնք Ռուսաստանը ստանում է LNG-ի վաճառքից և փոխադրումից, ԵՄ-ը կարգելի ռուսական LNG-ի ծառայությունները վերբեռնել ԵՄ տարածքում: Սա ընդգրկում է ինչպես նավից նավ, այնպես էլ նավից ափ փոխանցումները, նաև՝ վերբեռնման գործառնությունները։ Այն չի ազդում ներմուծման վրա, այլ միայն՝ երրորդ երկրներ ԵՄ միջոցով վերարտահանման: Եվրահանձնաժողովը կհետևի այս որոշման կատարմանը և անհրաժեշտության դեպքում կարող է առաջարկել մեղմացնող միջոցներ:
Ավելին, ԵՄ-ը կարգելի նոր ներդրումները, ինչպես նաև ապրանքների, տեխնոլոգիաների և ծառայությունների տրամադրումը կառուցվող LNG նախագծերի ավարտին, ինչպիսիք են Arctic LNG 2-ը և Murmansk LNG-ը: Ռուսական LNG-ի ներմուծման սահմանափակումներ են մտցվել բնական գազի համակարգին չմիացված ԵՄ տերմինալների միջոցով», - ասված է հաղորդագրության մեջ։
