Միջազգային
«Ռուսաստանը կշարունակի աշխատել՝ հստակեցնելու Երևանի դիրքորոշումը ՀԱՊԿ-ի հարցում». Պեսկով
13 Հունիսի 2024, 14:26
ՌԴ նախագահի խոսնակ Դմիտրի Պեսկովը անդրադարձել է ՀՀ վարչապետ Նիկոլ Փաշինյանի հայտարարություններին։ Մասնավորապես, խոսել է ՀԱՊԿ-ին Հայաստանի անդամակցության ու հետագա իրադրության մասին։
«Ինչ վերաբերում է Հայաստանին, մենք կշարունակենք աշխատել մեր հայ ընկերների հետ, կհստակեցնենք նրանց դիրքորոշումը․ իհարկե, հուսով ենք, որ, ամեն դեպքում, հավատարիմ կմնանք գործընկերային և դաշնակցային հարաբերություններին», - նշել է Պեսկովը։ Խոսնակը նշել է, որ, հավանաբար, Հայաստանը նույնպես հետաքրքրված է դրանով։
