Բելառուսի նախագահ Ալեքսանդր Լուկաշենկոն շնորհավորել է Ադրբեջանի նախագահ Իլհամ Ալիևին Անկախության օրվա կապակցությամբ: Այս մասին հայտնել են Բելառուսի նախագահի մամուլի ծառայությունից։
«Ջերմությամբ եմ հիշում վերջերս բարեկամ Ադրբեջան կատարած իմ այցը, որի ընթացքում մենք վստահության և կառուցողական մթնոլորտում քննարկեցինք մեզ համար կարևոր հարցերի լայն շրջանակ: Բովանդակային բանակցությունների արդյունքները հաստատեցին ռազմավարական գործընկերության բարձր մակարդակը, ցուցադրեցին Մինսկի և Բաքվի բազմակողմ փոխգործակցության զգալի ներուժ», - ասվում է հաղորդագրության մեջ։
