Ռուսաստանի և Հայաստանի միջև առևտրում որևէ խնդիր կամ ընդհատում չկա։ Այդ մասին լրագրողներին հայտնել է ՌԴ փոխվարչապետ Ալեքսեյ Օվերչուկը՝ պատասխանելով ՏԱՍՍ-ի հարցին։
«Բացարձակապես ոչ մի ընդհատում չկա։ Վերին Լարսը նորմալ է աշխատում։ Ամեն ինչ նորմալ է առևտրի, տնտեսության մեջ», - ասել է նա ՝ պատասխանելով երկրների առևտրային հարաբերությունների մասին հարցին։ Ավելի վաղ Ռուսաստանի ԱԳՆ-ն հայտարարել էր, որ Հայաստանում երկրի դեսպան Սերգեյ Կոպիրկինը կանչվել է Մոսկվա խորհրդակցությունների համար:
