Միջազգային
«Ցանկացած սուվերեն պետություն իրավունք ունի ինքնուրույն արտաքին ու ներքին քաղաքականության». Զախարովան՝ Հայաստանի մասին
10 Ապրիլի 2024, 14:02
ՌԴ ԱԳՆ խոսնակ Մարիա Զախարովան մեկնաբանել է լրագրողի հարցը, թե արդյոք ՀՀ վարչապետ Նիկոլ Փաշինյանի հանդիպումներն ու արտաքին հարաբերությունները Արևմուտքի, ԵՄ-ի, ԱՄՆ-ի հետ դուրս են մղում ՌԴ-ին տարածաշրջանային բանակցային գործընթացից․ այդ համատեքստում նա մեկնաբանել է նաև Փաշինյան-Շոլց հեռախոսազրույցը․
«Ցանկացած սուվերեն պետություն իրավունք ունի իրականացնել սեփական արտաքին ու ներքին քաղաքականությունը․ դա ակնհայտ է։ Հարցն այն է, որ այնտեղ կատարվողը չի արվում հօգուտ հայտարարված նպատակների, այլ խախտում է տարածաշրջանի ուժերի ու պետությունների բալանսը և վնաս տալիս հենց տարածաշրջանի երկրներին։ Եվ տեսնում ենք, որ Արևմուտքը նմանապես խախտել է հարմոնիան կամ ընթացող գործընթացները նաև աշխարհի այլ կետերում», - ասել է Զախարովան։
