Միջազգային
Բաքվում հայրն իր երեք երեխաներին հանձնել է մանկատուն և սպառնացել դուրս նետել նրանց պատշգամբից
Բաքվում հայրն իր երեք երեխաներին հանձնել է մանկատուն, քանի որ դադարեցրել է սոցիալական օգնությունը, տեղեկացնում են ադրբեջանական ԶԼՄ-ները։
«Երեք երեխաների հայրն իր երեխաներին թողել է կացարանում, քանի որ ընտանիքին տրվող սոցիալական նպաստները կրճատվել են։ Հայրը նույնիսկ սպառնացել է, որ երեխաներին տուն վերադարձնելու դեպքում կշպրտեն պատշգամբից»,- ասվում է հաղորդագրության մեջ։
Նշվում է, որ Թահիր Մասիմօղլուն սոցիալական վճարներ է ստացել, քանի որ նա II խմբի հաշմանդամ է։ Սակայն ավելի ուշ նրան ասել են, որ այլևս նպաստ չի լինելու, ուստի նա երեխաներին հանձնել է մանկատուն։ Նրանց մայրը մեկ անգամ այցելել է։
Սոցիալական պաշտպանության պետական հիմնադրամի տեղեկատվության համաձայն՝ Թահիր Մասիմօղլուն II խմբի հաշմանդամ չէ։ Նրա ընտանիքի պետական սոցիալական աջակցության դիմումը մերժվել է էլեկտրոնային համակարգով, քանի որ քաղաքացին դիմումը ներկայացնելիս կեղծ տվյալներ է մուտքագրել։
