ԱՄՆ գործող նախագահ Ջո Բայդենը հաղթանակ է տանում Արիզոնա, Իլինոյս, Կանզաս և Օհայո Նահանգների նախնական ընտրություններում (փրայմերիզ): Նման կանխատեսում է ներկայացրել Politico թերթը։
Ավելի վաղ Բայդենը ստացել էր Դեմոկրատական կուսակցության ազգային համագումարի բավարար թվով պատվիրակների աջակցությունը, որտեղ առաջադրվելու է ԱՄՆ նախագահի թեկնածու: Բայդենն այս պահին հավաքում է ավելի քան 2․300 պատվիրակների ձայն: Նախագահի թեկնածու առաջադրվելու համար թեկնածուն պետք է ստանա առնվազն 1968 պատվիրակների աջակցություն: Նրա հիմնական մրցակից Դոնալդ Թրամփը նույնպես հավաքել էր անհրաժեշտ թվով պատվիրակների ձայներ՝ նախագահի պաշտոնում հանրապետականների թեկնածու առաջադրվելու համար: Նրա ընտրությունները տեղի կունենան նոյեմբերի 5-ին։
