World Happiness Report ամենամյա զեկույցը Ֆինլանդիան ճանաչել է աշխարհի ամենաերջանիկ երկիրն արդեն 7-րդ տարին անընդմեջ: Ամենամյա World Happiness Report-ի տվյալների համաձայն՝ Ֆինլանդիայի հարևանները՝ Դանիան, Իսլանդիան և Շվեդիան, նույնպես պահպանում են իրենց տեղերը տասնյակում:
Այս երկրներում բնության հետ սերտ կապը և աշխատանքի ու կյանքի առողջ հավասարակշռությունը նպաստում են Երջանկության համաշխարհային վարկանիշային աղյուսակում առաջնորդությանը: Միևնույն ժամանակ, դժբախտության զգացողության աճը, հատկապես երիտասարդների շրջանում, հանգեցրել է նրան, որ արևմտյան այլ երկրներ նահանջել են վարկանիշում: Միացյալ Նահանգներն ու Գերմանիան առաջին անգամ դուրս են մնացել լավագույն քսանյակից: Ուկրաինան զբաղեցրել է 105-րդ տեղը։ Նրանց տեղը զբաղեցրել են Կոստա Ռիկան և Քուվեյթը՝ համապատասխանաբար 12-րդ և 13-րդ տեղերում։ Սերբիան, Բուլղարիան և Լատվիան հայտնել են երջանկության մակարդակի ամենամեծ աճի մասին: Աֆղանստանը վերջին տեղում է։
