Հունգարիայի վարչապետ Վիկտոր Օրբանը, որը մարտի 8-ին հանդիպել է ԱՄՆ նախագահի թեկնածու, ԱՄՆ նախկին նախագահ Դոնալդ Թրամփի հետ, ասել է, որ «բավական մանրամասն պլաններ» ունի Ուկրաինայում պատերազմին վերջ տալու համար և չի պատրաստվում «ոչ մի լումա» հատկացնել Ուկրաինային․
«Նա ունի շատ հստակ տեսլական, որի հետ դժվար է չհամաձայնվել։ Նա ասում է հետևյալը․ նախ, ուկրաինա-ռուսական պատերազմում նա ոչ մի կոպեկ չի տա, հետևաբար, պատերազմը կավարտվի, քանի որ ակնհայտ է, որ Ուկրաինան չի դիմանում։ Եթե ամերիկացիները եվրոպացիների հետ միասին փող ու զենք չտան, պատերազմը կավարտվի։ Իսկ եթե ամերիկացիները փող չտան, եվրոպացիներն իրենք չեն կարողանա ֆինանսավորել այս պատերազմը։ Եվ հետո պատերազմը կավարտվի», - մեջբերել է Օրբանը Թրամփի խոսքերը։
