Միջազգային
Նիգերիայում հանցավոր խմբավորումներն ավելի քան 500 երեխա են առևանգել. Bild
Վերջին մի քանի օրվա ընթացքում Նիգերիայում կազմակերպված հանցավորության ներկայացուցիչները միանգամից երեք հարձակում են գործել: Մարտի 6-ին Նիգերիայի հյուսիս-արեւելքում՝ Չադի հետ սահմանին, շուրջ 200 երեխա և կին է առևանգվել: Այս մասին գրում է Bild-ը:
Մեկ օր անց զինված խմբերը շրջապատել են երկրի հյուսիս-արևմուտքում գտնվող տարրական և միջնակարգ դպրոցները:
Հանցագործները գրավել են դպրոցի շենքը առավոտյան ժամը 8-ի սահմաններում, երբ դասերը պետք է նոր սկսվեին։ Շուրջ 700 երեխա դուրս է բերվել անտառ, նրանցից շատերին հաջողվել է փախչել, սակայն 287 մարդ դեռ համարվում է անհետ կորած:
Նիգերիայում ՝ 210 միլիոն բնակչություն ունեցող երկրում, որը ծանրագույն տնտեսական ճգնաժամ է ապրում, մարդկանց առևանգումը և փրկագնի պահանջը վերածվել են բիզնես մոդելի։ Ըստ SBM Intelligence խորհրդատվական ընկերության, միայն 2022 թվականի հուլիսից մինչև 2023 թվականի հունիսն ընկած ժամանակահատվածում գրեթե 600 հարձակումների արդյունքում առևանգվել է ավելի քան 3600 մարդ:
