Ուկրաինայում նախարարությունների թիվը նախատեսվում է կրճատել մեկ երրորդով։ Վարչապետ Դենիս Շմիհալի խոսքով՝ կնվազի նաև պետական ծառայողների թիվը։
«Մենք ցանկանում ենք կրճատել նախարարությունների թիվը մեկ երրորդով, կրճատել քաղծառայողների թիվը, մենք արդեն սկսել ենք դա անել, տարեսկզբից կրճատվել է 20 հազար քաղծառայության թափուր աշխատատեղ»,- ասել է վարչապետը։ Նա հավելել է, որ նախարարների թիվը պետք է լինի 15, առավելագույնը՝ 16, նույնքան էլ նախարարություն։
Ուկրաինայում ներկայումս գործում է 19 նախարարություն։ Կառավարության կազմում ընդգրկված են 5 փոխվարչապետ, որոնցից մի քանիսը ղեկավարում են նաև նախարարություններ և 16 նախարար։
