Ֆրանսիան և Կատարը համագործակցության համաձայնագիր են ստորագրել, որը նախատեսում է մինչև 2030 թվականը Ֆրանսիայի տնտեսության մեջ 10 միլիարդ եվրոյի չափով ներդրումներ Կատարի կողմից։ Այս մասին հայտարարել է Ֆրանսիայի նախագահ Էմանուել Մակրոնը։
«Մենք ստորագրել ենք 10 միլիարդ եվրոյի հավակնոտ ներդրումային ծրագիր»,- ասել է նա երկօրյա այցով Փարիզ ժամանած Կատարի էմիր շեյխ Թամիմ բեն Համադ Ալ Թանիի հետ հանդիպմանը։ Համաձայնագիրը ենթադրում է համագործակցություն էներգետիկ անցման, կիսահաղորդիչների, օդատիեզերական, արհեստական ինտելեկտի, թվային տեխնոլոգիաների, առողջապահության և մշակույթի ոլորտներում։
