Միջազգային
«Տեսել ենք Փաշինյանի հարցազրույցը, չենք կարծում, որ այն մեկնաբանությունների կարիք ունի». Բելառուսի ԱԳՆ
«Բելառուսը Հայաստանի հետ կառուցողական համագործակցություն է ակնկալում նաև հետագայում»․ լրագրողներին ասել է Բելառուսի ԱԳՆ մամուլի քարտուղար Անատոլի Գլազը․ հայտնում է БЕЛТА-ն։
«Այո, մենք տեսել ենք ՀՀ վարչապետ Նիկոլ Փաշինյանի հարցազրույցը France 24 հեռուստաալիքին և չենք կարծում, որ այն մեր կողմից ինչ-որ մեկնաբանությունների կարիք ունի։ Մենք նորմալ շփում ունենք հայ գործընկերների հետ։ Հայաստանը մնում է մեր գործընկերը, ՀԱՊԿ հարցերը մշտապես մեր երկկողմ փոխգործակցության տեսադաշտում են», - ընդգծել է Անատոլի Գլազը։
Նրա խոսքով՝ բելառուսական կողմը հետագայում ևս Երևանի հետ ակնկալում է կառուցողական համագործակցություն արդիական հարցերի ողջ սպեկտրում․
«Ինչ վերաբերում է ՀԱՊԿ-ի գործունեության իրավական ասպեկտներին, այդ կապակցությամբ մենք ոչ մի պաշտոնական ծանուցում չենք ստացել»,- նշել է մամուլի քարտուղարը:
