ՌԴ անվտանգության խորհրդի փոխնախագահ Դմիտրի Մեդվեդևը ժամանել է Չեչնիա։
Նա այցելել է Ռուսաստանի հատուկ նշանակության ուժերի համալսարան, հանդիպում ունեցել հրամանատարների հետ:
Մեդվեդևը հայտարարել է, թե ՌԴ-ն Ուկրաինայի հատուկ գործողությունից առաջ հետ էր մնում ԱԹՍ–ների ասպարեզում, բայց այժմ ավելացրել է դրանց արտադրությունը։ Ըստ նրա, ակնկալում էին, որ ռազմական գործողությունները կընթանան դասական կանոններով, սակայն ԱԹՍ-ները փոխել են ամեն ինչ:
Մեդվեդևը հայտնել է, որ գերագույն գլխավոր հրամանատարին զեկույց կներկայացնի՝ առաջ քաշելով նոր գաղափարներ, որոնք կարող են բարելավել ընդհանուր իրավիճակը հատուկ գործողության ընթացքում։
