Միջազգային
Մյունխենի անվտանգության հանձնաժողովին Թուրքիայից կմասնակցի հետախուզական կազմակերպության ղեկավարը
16 Փետրվարի 2024, 13:33
Թուրքիայից Մյունխենի անվտանգության 60-րդ համաժողովին կմասնակցի ազգային հետախուզական կազմակերպության ղեկավար Իբրահիմ Քալընը. հայտնում է «Անադոլու» գործակալությունը։
Համաժողովի ընթացքում Թուրքիայի հետախուզական ծառայության ղեկավարը երկկողմ շփումներ կունենա այլ երկրների իր գործընկերների հետ:
Մասնավորապես, նախատեսվում է քննարկել տարածաշրջանային և գլոբալ օրակարգի հարցերը, ահաբեկչության դեմ պայքարը, իրավիճակը Գազայի հատվածում, ռուս-ուկրաինական հակամարտությունը, ինչպես նաև կիբերհանցագործությանը և կազմակերպված հանցավորությանը հակազդելը:
