ՌԴ ԱԳՆ ներկայացուցիչ Մարիա Զախարովան անդրադարձել է Հայաստանի՝ Հռոմի ստատուտին միանալուն։
Նա հիշեցրել է, որ այս հարցով ՌԴ նախագահի աշխատակազմից արդեն եղել է մեկնաբանություն. «Հայաստանի՝ Հռոմի ստատուտին միանալը ամենալավ կերպով չի անդրադառնում հայ-ռուսական երկկողմ հարաբերությունների վրա՝ ստիպելով Երևանին ընտրություն կատարել Արևմուտքից թելադրվող պարտավորությունների և ՌԴ-ի հետ երկխոսության ու ԵԱՏՄ-ի ինտերգրացիայի միջև։ Այդ պատճառով մենք պլանավորում ենք հայ գործընկերներից համապատասխան հավաստիացումներ ստանալ երկկողմ հարաբերությունների հարցում, ինչի մասին Երևանը լավ տեղեկացված է»։
