ԱՄՆ-ի և Միացյալ Թագավորության զինված ուժերը երկուշաբթի հարվածներ են հասցրել Եմենի հութիներին՝ թիրախավորելով նրանց ստորգետնյա պահեստարանը, ինչպես նաև հրթիռային կայանքներն ու հսկողության միջոցները, որոնք օգտագործվում են Իրանի հետ կապված խմբավորման կողմից Կարմիր ծովով նավարկության դեմ․ հայտնել է Պենտագոնը:
Հութիները, որոնք վերահսկում են Եմենի առավել խիտ բնակեցված շրջանները, հայտարարել են, որ իրենց հարձակումները պաղեստինցիների հետ համերաշխության դրսևորում են, քանի որ Իսրայելը հարվածներ է հասցնում Գազայի հատվածին: Հութիների հարձակումները խաթարեցին համաշխարհային բեռնափոխադրումները Կարմիր ծովում և մեծացրին համաշխարհային գնաճի վերաբերյալ մտահոգությունները: Նրանք նաև մեծացրել են այն մտահոգությունը, որ Իսրայելի և ՀԱՄԱՍ-ի միջև պատերազմի հետևանքները կարող են ապակայունացնել իրավիճակը Մերձավոր Արևելքում:
