Միջազգային
«Ռուսաստանի և Հայաստանի ռազմավարական շահերը համընկնում են». Կոպիրկին
19 Հունվարի 2024, 9:52
Ռուսաստանի և Հայաստանի ռազմավարական շահերը համընկնում են, երկու երկրների միջև հարաբերությունները շարունակում են դաշնակցային բնույթ ունենալ․ «ՌԻԱ Նովոստիին» տված հարցազրույցում հայտարարել է Երևանում Ռուսաստանի դեսպան Սերգեյ Կոպիրկինը:
«Ես ելնում եմ նրանից, և ոչ միայն ես, դա, բնականաբար, նաև Ռուսաստանի ղեկավարության դիրքորոշումն է, որ մեր հարաբերություններն ունեն, շարունակում են ունենալ դաշնակցային բնույթ», - ասել է Կոպիրկինը։ Նրա խոսքով, բացի այդ, երկրներն այսօր ունեն փոխհարաբերությունների շատ լայն գործնական օրակարգ, որը վերաբերում է պետությունների, մարդկանց կենսագործունեության առանցքային ասպեկտներին:
