Չինաստանն ու Վրաստանը համագործակցության մեծ ներուժ ունեն․ հայտարարել է Չինաստանի կոմունիստական կուսակցության Շանհայի կոմիտեի ղեկավար Չեն Ցզինինը:
«Ես եղել եմ Վրաստանում և հիշում եմ, որ մեծ տպավորություններով եմ մեկնել ձեր երկրից։ Մենք գոհ ենք մեր երկրների հարաբերությունների զարգացման դինամիկայից։ Այս այցը ևս մեկ քայլ առաջ կլինի համագործակցության հետագա ընդլայնման ուղղությամբ», - ասել է նա։ Վրաստանի իշխող «Վրացական երազանք» կուսակցության պատվիրակությունը՝ նախագահ Իրակլի Կոբախիձեի գլխավորությամբ, հունվարի 14-20-ը հանդիպումներ է անցկացնում Չինաստանում:
