Հունվարի 3-ին Էստոնիայում ձերբակալվել է Ռուսաստանի քաղաքացի, Տարտուի համալսարանի արդեն նախկին պրոֆեսոր Վյաչեսլավ Մորոզովը՝ ռուսական հատուկ ծառայությունների հետ համագործակցելու կասկածանքով։ Այդ մասին հայտնել է Էստոնիայի ազգային հեռուստառադիոհեռարձակող ընկերությունը (ERR)՝ վկայակոչելով երկրի դատախազությունը:
Տարտուի համալսարանի Շուտեի ինստիտուտում, որտեղ Մորոզովն աշխատում էր որպես քաղաքագիտության պրոֆեսոր, հայտնել են, որ նրա հետ աշխատանքային պայմանագիրը խզվել է նրա ձերբակալությունից հետո: Այժմ Վյաչեսլավ Մորոզովը գտնվում է Տալլինի բանտում։ Էստոնիայի անվտանգության ոստիկանությունը հայտարարել է, որ Մորոզովին կասկածում են հետախուզական գործունեության մեջ: Ավելին, կասկածների բնույթի մասին, ոչինչ չի ասվում:
