Տասնյակ հազարավոր դանիացիներ հավաքվել են Կոպենհագենում՝ նշելու Ֆրեդերիկ X թագավորի գահակալության սկիզբը: Մինչ այդ Դանիայի թագուհի Մարգրետե երկրորդը հրաժարվել է գահից՝ հօգուտ ավագ որդու:
Դանիայի վարչապետ Մետտե Ֆրեդերիկսենը Քրիստիանսբորգ պալատի պատշգամբից Ֆրեդերիկին հռչակել է Դանիայի, Գրենլանդիայի և Ֆարերյան կղզիների թագավոր՝ երեք անգամ արտասանելով «Կեցցե Ֆրեդերիկ տասներորդ թագավորը»։
Այդ նույն պատշգամբից Ֆրեդերիկն այնուհետև իր առաջին ելույթն է ունեցել․ «Ես հույս ունեմ դառնալ միավորող թագավորը: Դա մի խնդիր է, որին ես գնացել եմ իմ ամբողջ կյանքի ընթացքում: Դա մարտահրավեր է, որը ես ստանձնում եմ հպարտությամբ, հարգանքով և ուրախությամբ»:
