Միջազգային
«Պուտինի և Էրդողանի միջև մշտական հաղորդակցության կարիք կա»․ Պեսկով
ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև մշտական հաղորդակցության կարիք կա, նրանց հանդիպման ամսաթիվը դեռ որոշված չէ, լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Պուտինի և Էրդողանի միջև միշտ էլ շփման կարիք կա, և դուք գիտեք, որ կա պայմանավորվածություն, որ նրանք կհանդիպեն»,- ասել է Պեսկովը՝ հիշեցնելով, որ Պուտինն ինքը խոսել է Թուրքիա գալու իր պատրաստակամության մասին, հենց որ հարմար ժամանակ ընտրվի։
Պեսկովը նշել է նաև, որ այցի վերաբերյալ ժամկետները կհամաձայնեցվեն դիվանագիտական ուղիներով, և վաղ թե ուշ այդ շփումը տեղի կունենա։ Նա հավելել է, որ անհրաժեշտության դեպքում երկու երկրների ղեկավարները կարող են շատ արագ զանգահարել միմյանց, իսկ համաձայնությունը կարելի է ձեռք բերել բառացիորեն ժամերի ընթացքում։
