Ճապոնիայի իշխանությունները երեքշաբթի օրը հայտարարել են, որ անցած շաբաթ երկրաշարժի հետևանքով մահվան հաստատված դեպքերի թիվը հասել է 180-ի: Միաժամանակ կտրուկ, գրեթե երեք անգամ նվազել է անհետ կորածների թիվը։ Նախօրեին անհայտ կորածների ցուցակում 323 մարդ է եղել, իսկ երեքշաբթի նրանք դարձել են 120-ը։
Ինչպես պարզաբանել են Իշիկավա պրեֆեկտուրայի իշխանությունները, ցուցակից դուրս եկածների հարազատները կապի են դուրս եկել և հայտնել, որ գտել են իրենց հարազատներին:
