Ճապոնիայի ատոմային էներգիայի վերահսկողության կոմիտեն հանել է աշխարհում խոշորագույն «Կասիվաձակի-Կարիվա» ԱԷԿ-ի վերագործարկման արգելքը: Այդ մասին չորեքշաբթի մամուլի ասուլիսի ժամանակ հայտնել Է Ճապոնիայի կառավարության գլխավոր քարտուղար Յոշիմասա Հայաշին:
Ատոմային էներգիայի վերահսկողության կոմիտեն երկու տարի և ութ ամիս առաջ արգելեց «Կասիվաձակի-Կարիվա» ատոմակայանում միջուկային նյութերի տեղափոխումը, ինչը փաստորեն նշանակում էր դրա աշխատանքի արգելք՝ անվտանգության անբավարար միջոցառումների պատճառով, առաջին հերթին՝ հակաահաբեկչական։ Չնայած արգելքի վերացմանը՝ կայանի օպերատորը դեռ պետք է համոզի տեղական իշխանություններին և բնակիչներին այն վերագործարկելու անհրաժեշտության մեջ:
