Իրանի կենտրոնական բանկի նախագահ Մոհամմադ Ռեզա Ֆարզինը երկօրյա այցով մեկնել է Մոսկվա: Այս մասին հայտնում է ISNA գործակալությունը։
Ֆարզինը նախատեսում է հանդիպում անցկացնել ՌԴ կենտրոնական բանկի ղեկավար Էլվիրա Նաբիուլինայի հետ: Գործակալության տեղեկություններով՝ բանակցությունների գլխավոր թեման կդառնա ֆինանսաբանկային ոլորտում համագործակցության ակտիվացումը և երկու գերատեսչությունների միջև հարաբերությունների ամրապնդումը՝ երկուշաբթի Իրանի և Եվրասիական տնտեսական միության (ԵԱՏՄ) միջև ստորագրված ազատ առևտրի մասին համաձայնագրի շրջանակներում: Իրանական պատվիրակության կազմում են նաև երկու ազգային բանկերի տնօրեններ:
