Իսրայելն ԱՄՆ-ից խնդրել է լրացուցիչ «Ապաչե» ուղղաթիռներ մատակարարել։ Այդ մեքենաներն այժմ ակտիվորեն աշխատում են Գազայում և Լիբանանի հարավում՝ կատարելով «թռչող հրետանու» գործառույթ։ Ուղղաթիռների ծանրաբեռնվածությունը շատ բարձր է, մեքենաներն ու օդաչուները բավարար չեն։ Ընդհանուր առմամբ, Իսրայելի օդուժի սպառազինության մեջ կա 48 «Ապաչե», որոնք ամփոփված են երկու էսկադրիլիայի մեջ, բայց բանակը խոստովանում է, որ, հաշվի առնելով վերահաս պատերազմը հյուսիսում, դա ակնհայտորեն բավարար չէ:
Պենտագոնը դեռ չի բավարարել Երուսաղեմի խնդրանքը։ Այս պատերազմի ընթացքում ամերիկացիները հարյուրավոր «Հելֆիր» հրթիռներ են մատակարարել Իսրայելին, որն ուղղաթիռների հիմնական սպառազինությունն է։
