Միջազգային
«Ո՛չ Իրանը, ո՛չ Իսրայելը չեն հավատում Պաղեստինի անկախացմանը». Աբդոլլահիան
11 Դեկտեմբերի 2023, 17:22
«Միակ բանը, որ Իրանը և Իսրայելը կիսում են, այն է, որ երկուսն էլ չեն հավատում երկու պետությունների ստեղծման ձևաչափին»․ այս մասին երկուշաբթի հայտարարել է Իրանի արտաքին գործերի նախարար Հոսեյն Ամիր Աբդոլլահիանը՝ Դոհայում ընթացող միջազգային ֆորումի ժամանակ:
Համաժողովի ընթացքում նախարարը կրկնել է Իրանի առաջարկը, որ Պաղեստինի ճակատագիրը որոշելու համար հանրաքվե անցկացվի, որտեղ քվեարկելու իրավունք կունենան մինչև 1948 թվականը այնտեղ ապրածների ժառանգները: Երկրների մեծ մասը հրապարակայնորեն աջակցում է Իսրայելի հարևանությամբ Պաղեստին պետության ստեղծմանը։ Իսրայելի քաղաքականության քննադատներն ասում են, որ նրա գործողությունները նպատակ ունեն դա անհնար դարձնել:
