Եվրամիության անդամ երկրների պաշտպանության ընդհանուր ծախսերը 2023թ․ հասել են ռեկորդային՝ 270 միլիարդ եվրոյի (295 միլիարդ դոլար)։ Այդ մասին հինգշաբթի օրը հայտարարել է Եվրոպական խորհրդի նախագահ Շառլ Միշելը:
«Միայն այս տարի ԵՄ անդամ բոլոր երկրների պաշտպանական ծախսերը կազմում են մոտավորապես 270 միլիարդ եվրո»,- ասել է Միշելը։
Անցյալ տարի ծախսերը հասել են 240 միլիարդ եվրոյի, ինչն ինքնին ռեկորդային է և 2021 թվականի համեմատ 6%-ով ավել: Եվրոպական պաշտպանության գործակալությունը հայտնել է, որ վեց երկիր 2022թ․ ավելացրել են իրենց ծախսերը ավելի քան 10%-ով, ընդ որում՝ ՆԱՏՕ-ի թեկնածու Շվեդիան ավելի քան 30%-ով է ավելացրել ծախսերը:
