Միջազգային
Չինաստանը առանց վիզայի ռեժիմ է սահմանել Իսպանիայի, Իտալիայի, Նիդեռլանդների, Ֆրանսիայի, Գերմանիայի և Մալայզիայի համար
24 Նոյեմբերի 2023, 17:06
Դեկտեմբերի 1-ից Չինաստանի իշխանությունները առանց վիզայի ռեժիմ են սահմանում Եվրամիության հինգ անդամ երկրների (Իսպանիա, Իտալիա, Նիդեռլանդներ, Ֆրանսիա և Գերմանիա) և Մալայզիայի քաղաքացիների համար։ Այս մասին հայտնել է երկրի ԱԳՆ ներկայացուցիչ Մաո Նինը։
Ինչպես նա պարզաբանել է հերթական ճեպազրույցում, այս երկրների համար առանց վիզայի ճանապարհորդությունը փորձնական հիմունքներով կգործի մինչև 2024թ․ նոյեմբերի 30-ը․ «Չինաստանը որոշել է ընդլայնել միակողմանի առանց վիզայի ռեժիմի շրջանակը՝ հեշտացնելով մարդկանց տեղաշարժը ՉԺՀ-ի և արտաքին աշխարհի միջև, ի շահ ինտենսիվ զարգացման և բաց լինելու կարևորության», - բացատրել է Մաո Նինը:
