Մինսկում հանդիպել են Հավաքական անվտանգության պայմանագրի կազմակերպության (ՀԱՊԿ) երկրների ղեկավարները։ Գագաթնաժողովը սկսվել է Անկախության պալատի ճեմասրահում լուսանկարահանման արարողությամբ և կշարունակվի սահմանափակ և ընդլայնված կազմով հանդիպումներով։
Կազմակերպության վեց անդամ երկրից հինգի ղեկավարները (Ռուսաստան, Բելառուս, Ղազախստան, Ղրղզստան, Տաջիկստան) հավաքվել են ՀԱՊԿ խորհրդի նիստին։
Հայաստանի վարչապետ Նիկոլ Փաշինյանը չի մասնակցում գագաթնաժողովին։
Բացման խոսքով հանդես է եկել ՀԱՊԿ նախագահող երկրի՝ Բելառուսի նախագահ Ալեքսանդր Լուկաշենկոն։
