Միացյալ Նահանգները դեռ պատրաստ չէ վերջնականապես հաստատել ԱՄՆ նախագահ Ջո Բայդենի և Չինաստանի նախագահ Սի Ցզինպինի հանդիպումը Սան Ֆրանցիսկոյում, ասել է Սպիտակ տան մամուլի քարտուղար Կարին Ժան Պիեռը։
«Ես այստեղ և հիմա հաստատելու ոչինչ չունեմ»,- ասել է նա լրագրողներին՝ պատասխանելով այն հարցին, թե արդյոք Սան Ֆրանցիսկոյում կկայանա ԱՄՆ-ի և Չինաստանի ղեկավարների հանդիպումը:
Ժան Պիեռը հավելել է, որ Սպիտակ տունն ակնկալում է մոտ օրերս այս հարցի վերաբերյալ լրացուցիչ տեղեկություն տրամադրել։
