Մեքսիկայի Գերերո նահանգում «Օտիս» փոթորկի հետևանքով զոհվել է առնվազն 43 մարդ: Այս մասին հայտնում է CNN-ը՝ հղում կատարելով շրջանի նահանգապետ Էվելին Սալգադո Պինեդային։ Չորեքշաբթի օրը Մեքսիկայի ափերին հասած փոթորիկը դասակարգվել է որպես հինգերորդ (առավելագույն) աստիճանի:
Պինեդան հավելել է, որ Մեքսիկայի իշխանություններին հաջողվել է փրկել 340 մարդու։ Տուժածներին օգնելու համար ուղարկվել է մոտ 10 հազար զինվորական։
