Ճանապարհները վերանորոգող մեքենաները Եգիպտոսից Ռաֆահ սահմանային անցակետով ուղարկվել են Գազայի հատված՝ նախապատրաստելու Եգիպտոսի Սինայի թերակղզում կուտակված օգնության մի մասի առաքումը:
Ռաֆահը միակ անցակետն է, որը չի վերահսկվում Իսրայելի կողմից, սակայն շարքից դուրս է եկել իսրայելական ռմբակոծություններից հետո:
Միացյալ Նահանգները և Եգիպտոսը ճնշում են գործադրում Իսրայելի վրա՝ Գազայի հատվածին օգնություն տրամադրելու գործարք կնքելու համար, իսկ Սպիտակ տունը չորեքշաբթի հայտնեց, որ համաձայնություն է ձեռք բերվել մինչև 20 բեռնատար անցկացնելու համար՝ հույս ունենալով, որ դրանց թիվը կավելանա: