Միացյալ Նահանգները որոշել է անորոշ ժամանակով փակել իր հյուպատոսությունը երկրի հարավ-արևելքում գտնվող Ադանա քաղաքում՝ բողոքի ցույցերի ֆոնին, հայտնում է Անկարայում դեսպանությունն իր կայքում։
Չորեքշաբթի գիշերը Թուրքիայի մի շարք քաղաքներում Իսրայելի դիվանագիտական ներկայացուցչությունների մոտ բողոքի ցույցեր էին տեղի ունեցել՝ կապված Գազայի հատվածում տիրող իրավիճակի հետ։ Ադանայում ցուցարարները քարեր ու Մոլոտովի կոկտեյլներ էին նետել ԱՄՆ հյուպատոսության շենքի վրա, հայտնում են թուրքական լրատվամիջոցները։
«Ադանայում ԱՄՆ հյուպատոսությունը փակ կլինի այցելուների համար մինչև հաջորդ ծանուցումը: ԱՄՆ քաղաքացիները կարող են հետաձգել իրենց հանդիպումները և կսպասարկվեն Անկարայում ԱՄՆ դեսպանատանը», - ասվում է դեսպանատան կայքում տեղադրված անվտանգության ծանուցման մեջ:
Թուրքիայում ԱՄՆ կառավարության աշխատակիցներին հանձնարարվել է նվազագույնի հասցնել ճանապարհորդությունները և խուսափել Ադանայի հյուպատոսության հյուպատոսական շրջան մեկնելուց։
