5,5 մագնիտուդով ևս մեկ երկրաշարժ է տեղի ունեցել Իրանի հարավում՝ Բանդար Աբբաս նավահանգստային քաղաքից 54 կմ հեռավորության վրա, հայտնում է Ռիա Նովոստին՝ վկայակոչելով Եվրոպական-միջերկրածովյան սեյսմոլոգիական կենտրոնը (EMSC):
Երեքշաբթի առավոտյան սեյսմոլոգները հայտնել էին, որ 5,5 մագնիտուդ ուժգնությամբ երկրաշարժ է տեղի ունեցել Իրանի հարավում՝ Հորմոզգան նահանգում։
Նոր երկրաշարժը տեղի է ունեցել Երևանի ժամանակով 19.26-ին: Երկրաշարժի էպիկենտրոնը գտնվել է Բանդար Աբբաս քաղաքից 54 կիլոմետր հյուսիս-արևմուտք։ Օջախը գտնվել է յոթ կիլոմետր խորության վրա:
