Միջազգային
Ֆրանսիայի պաշտպանության նախարարը Սուրեն Պապիկյանի հետ կքննարկի ռազմական մատակարարումների հարցերը
17 Հոկտեմբերի 2023, 16:53
Ֆրանսիայի պաշտպանության նախարար Սեբաստիեն Լեկորնյուն հաջորդ շաբաթ Հայաստանի պաշտպանության նախարար Սուրեն Պապիկյանի հետ կքննարկի Ֆրանսիայի կողմից Հայաստանին տրվող ռազմական օգնության մանրամասները․ «Կքննարկվեն որոշ բաներ օպերատիվ և կոնկրետ մակարդակով վերջնական տեսքի բերելու համար», - Ֆրանսիայի սենատորների հետ լսումների ժամանակ հայտարարել է Լեկորնյուն։
Անցյալ շաբաթ Ֆրանսիայի կառավարությունը հայտարարել էր, որ Ֆրանսիան ռազմատեխնիկա կուղարկի Հայաստան, սակայն Լեկորնյուն հրաժարվել էր մանրամասներ տրամադրել Սենատի արտաքին հարաբերությունների և պաշտպանության հանձնաժողովին։
«Որոշ զինատեսակներ պաշտպանական են և չեն կարող միտվել այլ նպատակների, հետևաբար, դրանցով կօգնենք Հայաստանին՝ պաշտպանել մարդկային կյանքեր ու իր տարածքը», - ասել է Լեկորնյուն:
