Իսրայելը հարվածել է Դամասկոսի և Հալեպի օդանավակայանների թռիչքուղիներին։ Այս մասին հայտնում է Al Watan թերթը։ Նախնական տվյալներով՝ դադարեցվել է երկու օդանավակայանների աշխատանքը։ Սիրիական հեռուստատեսությունն իր հերթին հաստատել է հարվածների փաստը։
Իսրայելի պաշտպանության բանակի ներկայացուցիչները դեռ չեն մեկնաբանել այս տեղեկությունը։ Ըստ իսրայելական «13» հեռուստաալիքի՝ օդանավակայաններին հասցված հարվածներից հետո Սիրիա մեկնող իրանական բեռնատար ինքնաթիռը, որը ենթադրաբար զենքով է բեռնված եղել, կործանվել է։
